भारतमा एकै दिन कोरोना संक्रमितको संख्या ५५ प्रतिशतले वृद्धि
भारतमा कोरोना संक्रमण तीब्र गतिमा बढिरहेको छ ।
एकै दिन भारतमा संक्रमितको संख्यामा ५५ प्रतिशतले वृद्धि भएको छ । बुधबार ५८ हजार ९७ नयाँ संक्रमित थपिए । मंगलबार ३७ हजार ३७९ मा कोरोना पुष्टि भएको थियो। बुधबार ५३४ जनाको कोरोना संक्रमणका कारण मृत्यु भएको, हेल्थ पाटी डटकमले लेखेको छ ।
पछिल्लो १० दिनदेखि भारतमा उच्च गतिमा कोरोना संक्रमण बढिरहेको छ। २६ डिसेम्बरमा जम्मा ६ हजार ५३१ मा संक्रमण पुष्टि भएको थियो । १० दिनमा एक दिनमा संक्रमण पुष्टि हुनेको संख्या ५१ हजार ५०० भन्दा बढेको छ । यो भनेको करिब ८०० प्रतिशत हो। भारतमा आमीक्रोन भेरियन्ट पुष्टि हुनेको संख्या २३०० भन्दा माथि पुगेको छ ।
यो पनि पढ्नुहोस्
