बकैयाको सिमातमा ट्रयाक्टर दुर्घटना हुँदा दुई जना गम्भिर घाईते
मकवानपुरको बकैया गाउँपालिकामा ट्रयाक्टर दुर्घटना हुँदा दुई जना गम्भिर घाईते भएका छन् ।
बकैया ११ स्थित सिमात घुम्तीमा ट्रयाक्टर दुर्घटना भएको जिल्ला प्रहरी कार्यालय मकवानपुरका प्रहरी निरिक्षक राजकुमार सापकोटाले जानकारी दिनुभयो । उहाँका अनुसार हेटौंडा आउँदै गरेको ना ४ त ६०७५ नंबरको ट्याक्टर सिमात घुम्तीबाट करिब २५० मिटर तल खसेको हो ।
दुर्घटनामा परी भीरमा अड्किएका दुई जनालाई प्रहरीले उद्दार गरी उपचारको लागि हेटौंडा अस्पताल ल्याएको छ । घाइतेहरुको पहिचान खुल्न बाँकी रहेको सापकोटाले बताउनुभयो ।
यो पनि पढ्नुहोस्
