कांग्रेसका केन्द्रीय सह–माहामन्त्री डीना हेटौंडामा सम्मानीत
सन्त नेता कृष्णप्रसाद भट्टराई स्मृति केन्द्र मकवानपुरले हेटौंडामा एक कार्यक्रमको आयोजना गर्दै नेपाली कांग्रेसका केन्द्रीय सह–माहामन्त्री महालक्ष्मी उपाध्य डिनालाई सम्मान गरेको छ ।
नेपाली कांग्रेसका संस्थापक नेता एवं पूर्व प्रधानमन्त्री कृष्णप्रसाद भट्टराईको ९८ औं जन्मजयन्ती र ४६ औं राष्ट्रिय मेलमिलाप दिवसको सन्दर्भमा आयोजित राष्ट्रिय मेलमिलापमा किसुनजीको अन्तरनिहित भूमिकामाथी विचार बहस तथा सम्मान कार्यक्रममा सह–माहामन्त्री उपाध्यायलाई सम्मान गरिएको हो ।
यस्तै कार्यक्रमकै अवसर पारेर नेपाली कांग्रेस हेटौंडा उपमहानगर समितिका निवर्तमान सभापति आनन्दराम पराजुली र नेपाली कांग्रेसका पुराना नेता अर्जुन थिङलाई पनि सम्मान गरिएको छ । स्मृति केन्द्रका अध्यक्ष विजेन्द्र अग्रवालको सभाध्यक्षतामा भएको कार्यक्रममा नेपाली कांग्रेसका केन्द्रीय सह माहामन्त्री महालक्ष्मी उपाध्याय डिनाकोे प्रमुख आतित्थ्यता रहेको थियो ।
कार्यक्रममा नेपाली कांग्रेस मकवानपुरका कार्यबाहक सभापति बिष्णुप्रसाद लामिछाने, नगरसभापति उत्सव इटेनी, निर्वतमान नगरसभापति आनन्दराम पराजुली, केन्द्रका उपाध्यक्ष मन्जु खराल लगाएतकाले मन्तव्य व्यक्त गरेका थिए ।
सन्त नेता कृष्णप्रसाद भट्टराई स्मृति केन्द्र हेटौंडा वडा नम्बर ९ का संयोजक छविरमण अर्यालको संयोजकत्वमा भएको कार्यक्रममा नेपाली कांग्रेस मकवानपुरका जिल्ला सदस्य माधव आचार्य, अम्रिता थापा, महिला संघ मकवानपुरकी अध्यक्ष लक्ष्मी श्रेष्ठ, प्रतिनिधि सभा क्षेत्र नम्बर १ का सचिव कविन सांगामी लगाएत नेपाली कांग्रेस मकवानपुरका विभिन्न क्षेत्रका नेता तथा कार्यकर्ताहरुको उपस्थिति रहेको थियो ।
ल्यतभस् कार्यक्रम सञ्चालन गर्नुपर्ने जिम्मेवारीका कारण सम्मानित हुँदाको फोटो भएन । तसर्थ अन्यथा नमानी सामाजिक सञ्चाल फेसबुकमा सम्बन्धितहरुबाट पोष्ट भएको पाइए सदपयोग गरिदिनुुहुन हार्दिक अनुरोध छ ।
यो पनि पढ्नुहोस्
