चिसो बढेपछि हेटौंडाका बिद्यालय बन्द
बुधबार चिसो बढेसंगै हेटौंडा उपमहानगरपालिका भित्रका बिद्यालय एकदिनको लागि बन्द भएका छन् ।
उपमहानगरपालिका अन्तरगतको शिक्षा विकास महाशाखाले सूचना जारी गरि बिद्यालय बन्द हुने जानकारी दिएको हो । तापक्रम घटेको र पानी पनि परिरहेकोले विद्यार्थीको स्वास्थ्यमा पर्न सक्ने प्रतिकुल असरलाई मध्यनजर गर्दै नगर प्रमुखको निर्देशनमा विद्यालय बन्द गरिएको सूचनामा उल्लेख छ ।
निजी तथा आवासीय विद्यालय अर्गनाइजेसन प्याब्सन मकवानपुरका अध्यक्ष विनोद सुवेदीले पनि आज निजी विद्यालयहरु बन्द रहने जानकारी दिनुभयो । सूचना ढिलो गरी जारी हुँदा बिहानै विद्यालय पुगेका विद्यार्थीहरु भने समस्यामा परेका छन् । मकवानपुरमा र्गरातीदेखि लगातार वर्षा भइरहेको छ ।
यो पनि पढ्नुहोस्
