आइतबार २ जना कोरोना संक्रमितको मृत्यु, २१९ जना नयाँ संक्रमित थपिए
पछिल्लो २४ घण्टामा कोरोना संक्रमणबाट २ जनाको मृत्यु भएको स्वास्थ्य तथा जनसंख्या मन्त्रालयले जनाएको छ । योसंगै देशभर मृत्यु हुने कुल संक्रमितको संख्या ११ हजार ५८५ पुगेको छ ।
यस्तै आइतबार २१९ जना संक्रमित थपिएका छन्। २१३ पीसीआर र ६ एन्टिजेन परीक्षणबाट कोरोना संक्रमण पुष्टि भएको हो। स्वास्थ्य मन्त्रालयका अनुसार अहिलेसम्म पीसीआर विधिबाट गरिएको परीक्षणमा ८ लाख २७ हजार २७१ जनामा कोरोना संक्रमण पुष्टि भएको छ भने एन्टिजेन परीक्षणबाट ९६ हजार १३१ जनामा संक्रमण पुष्टि भएको छ।
२४ घण्टामा ९ हजार ८७७ जनाको परीक्षण गरिएको स्वास्थ्य मन्त्रालयले जनाएको छ। जसमा पीसीआर परीक्षण ७ हजार १८० र एन्टिजेन परीक्षण ३ हजार ९७ भएको छ। यस्तै पछिल्लो २४ घण्टामा ३८३ संक्रमित निको भएका छन् । हालसम्म ८ लाख १० हजार ७८० जना कोरोनामुक्त भएको मन्त्रालयले जनाएको छ । अहिले देशभर सक्रिय संक्रमितको संख्या ४ हजार ९०६ पुगेको छ ।
यो पनि पढ्नुहोस्
