कोरोनाबाट बिहिबार पनि थप २ जनाको मृत्यु, २९३ संक्रमित थपिए
कोरोना संक्रमणका कारण बिहिबार पनि थप २ जनाको मृत्यु भएको छ । कोरोनाबाट मृत्यु हुनेको कुल संख्या ११ हजार ५८१ पुगेको स्वास्थ्य तथा जनसंख्या मन्त्रालयले जानकारी दिएको छ ।
यस्तै पछिल्लो २४ घण्टामा देशभर २९३ जना कोरोना संक्रमित थपिएका छन्। २४१ पीसीआर र ५२ एन्टिजेन परीक्षणबाट कोरोना पुष्टि भएको हो। स्वास्थ्य मन्त्रालयका अनुसार २४ घण्टामा ११ हजार ६२६ जनाको परीक्षण गरिएको थियो ।
यस्तै बिहिबार २६३ जना निको भएसंगै हालसम्म ८ लाख ९ हजार ९२२ जना कोरोनामुक्त भएका छन् । अहिले देशभर ५ हजार १६१ सक्रिय संक्रमित रहेको स्वास्थ्य मन्त्रालयले जनाएको छ ।
यो पनि पढ्नुहोस्
