प्रधानमन्त्री कप महिला क्रिकेट : प्रदेश २ ले गण्डकीलाई हरायाे
प्रधानमन्त्री कप महिला टी–२० क्रिकेट प्रतियाेगिता अन्तर्ग आज बुधवार भएको दोस्रो खेलमा प्रदेश २ ले गण्डकी प्रदेशलाई सात विकेटले हराएको छ ।
गण्डकीले दिएको ४० रनको लक्ष्य प्रदेश २ ले १० ओभर तीन बलमा तीन विकेट गुमाएर भेटायो । प्रदेश २ का लागि साना प्रविनले १३ र अनुराधा चौधरीले १२ रन बनाए । यसअघि पहिले ब्याटिङ गरेको गण्डकीलाई ३९ रनमै समेट्न प्रदेश २ का सन्तोषी चौधरीले तीन र अनुराधा चौधरीले दुई विकेट लिए ।
आज हारेको गण्डकी प्रतियोगिताबाट बाहिरिएको छ । प्रदेश २ को भने सेमिफाइनलमा पुग्ने सम्भावना रहेको छ । समूह ‘ए’ बाट प्रदेश १ शीर्ष र लुम्बिनी दोस्रो स्थानमा रहँदै सेमिफाइनलमा पुगेका छन् । आठ टोली सहभागी प्रतियोगिताको विजेताले पाँच लाख रुपैयाँ पुरस्कार पाउनेछ । साभारः उज्यालो अनलाइन ।
यो पनि पढ्नुहोस्
