पछिल्लो समय कोरोना संक्रमितको संख्या बढ्दै, सोमबार देशभर २२० जना संक्रमित थपिए
पछिल्लो २४ घण्टामा देशभर २२० जना कोरोना संक्रमित थपिएका छन्।
स्वास्थ्य मन्त्रालयले दिएको विवरण अनुसार २१८ पीसीआर र २ एन्टिजेन परीक्षणबाट कोरोना संक्रमण पुष्टि भएको हेल्थपाटी डटकमले लेखेको छ । २४ घण्टामा ४ हजार १४१ जनाको परीक्षण गरिएको स्वास्थ्य मन्त्रालयले जनाएको छ। जसमा पीसीआर परीक्षण २ हजार ७२५ र एन्टिजेन परीक्षण १ हजार ४१६ भएको छ ।
पछिल्लो २४ घण्टामा २६३ जना कोरोनामुक्त भएका छन् । २४ घण्टामा कोरोनाबाट १ जनाको मृत्यु भएको छ । अहिले देशभर सक्रिय संक्रमितको संख्या ५ हजार २२५ छ । स्वास्थ्य मन्त्रालयका अनुसार अहिलेसम्म पीसीआर विधिबाट गरिएको परीक्षणबाट ८ लाख २५ हजार ९५४ जनामा कोरोना संक्रमण पुष्टि भएको छ ।
एन्टिजेन परीक्षणबाट ९५ हजार ९८३ जनामा संक्रमण पुष्टि भएको छ। हालसम्म ८ लाख ९ हजार १५५ जना कोरोनामुक्त भएका छन् । कोरोनाबाट मृत्यु हुनेको कुल संख्या ११ हजार ५७४ पुगेको छ । २४ घण्टामा ८६ हजार ५९३ जनाले खोप लगाएको स्वास्थ्य मन्त्रालयले जानकारी दिएको छ ।
यो पनि पढ्नुहोस्
