सातौं भेट्रान्स कपको उपाधि एविसी भेट्रान्स पोखराले जित्यो
हेटौंडामा शनिबार सम्पन्न सातौं भेट्रान्स कपको उपाधि एविसी भेट्रान्स पोखराले जितेको छ ।
नागस्वती भेट्रान्स हेटौंडालाई २-१ गोल अन्तरले पराजित गर्दै एविसी पोखरा विजयी भएको हो । खेलको निर्धारित समयको सातौं मिनेटमा एविसीको तर्फबाट हरि खड्काले पहिलो गोल गरेका थिए । खेलको १७ मिनेटमा नागस्वती भेट्रान्सका नरेन लिम्बुले गोल फर्काएर बराबरीमा पुर्याए ।
पहिलो हाफमा बराबरी भएपनि दोस्रो हाफको २७ औं मिनेटमा एविसीको तर्फबाट नरेन्द्रजंग गुरुङले एक गोल थपेपछि एविसी भेट्रान्सको जित पक्का भएको हो । खेलको म्यान अफ द म्याच एविसीका नरेन्द्रजंग गुरुङ भए ।
विजेता एविसीले नगद एक लाख एघार हजार १११ रुपैयाँ सहित ट्रफि, मेडल र प्रमाणपत्र प्राप्त गरेको छ । यस्तै उपविजेता नागस्वती भेट्रान्सले नगद ५५ हजार ५५५ रुपैया सहित ट्रफि, मेडल र प्रमाणपत्र प्राप्त गरेको छ । खेलमा विभिन्न विधामामा खेलाडीलाई पुरस्कार वितरण गरिएको थियो ।
यो पनि पढ्नुहोस्
