टिपरको ठक्करबाट हेटौंडामा आचार्यको मृत्यु
टिपरको ठक्करबाट बुधबार बिहानै हेटौंडामा एक जनाको मृत्यु भएको छ ।
हेटौंडा १९ दारिमटारमा टिपरको ठक्करबाट मोटरसाइकल चालकको मृत्यु भएको जिल्ला प्रहरी कार्यालय मकवानपुरले जनाएको छ । हेटौंडाबाट मनहरी जाँदै गरेको इट्टा बोकेको प्रदेश ३ ००१ ख १८४९ नम्बरको टिपर र विपरीत दिशाबाट आइरहेको ना ४९ प ८२५२ नम्बरको मोटरसाइकल आपसमा ठोक्किएको प्रहरीले जनाएको छ ।
दुर्घटनामा मोटरसाइकल चालक चितवन रत्ननगरका अन्दाजी ४० बर्षका युवराज आचार्य मृत्यु भएको हो । दुर्घटनामा घाइते भएका मोटरसाइकलमा सवार बागलुङका ३३ बर्षका नुर बहादुर थापाको चुरेहिल अस्पताल उपचार भइरहेको मकवानपुर प्रहरीले जनाएको छ ।
यो पनि पढ्नुहोस्
