मंसिर २७ गतेदेखि सातौं हेटौंडा भेट्रान्स कप फुटबल प्रतियोगिता हुने
यहि मंसिर २७ गतेदेखि सातौं हेटौंंंडा भेट्रान्स कप फुटबल प्रतियोगिता हुने भएको छ।
हेटौंडा भेट्रान्स क्लबले शुक्रबार पत्रकार सम्मेलन गरी यहि मंसीर २७ गते देखी पौष ३ गतेसम्म प्रतियोगिता आयोजना गर्ने जानकारी दिएको हो । हेटौंडा ५ क्याम्पाचौरमा हुने प्रतियोगीतामा २० कल्बको सहभागीता रहने प्रतियोगीताका संयोजक मणिराज गौतमले जानकारी दिनुभयो ।
हेटौंडा भेट्रान्स क्लबले हरेक बर्ष आयोजना गर्दै आएको यो प्रतियोगीतामा ४० बर्ष माथि उमेर समुहका पुर्व राष्ट्रिय खेलाडीहरुको सहभागीता रहनेछ । खेलले शारिरीक अभ्याससंगै स्वस्थ रहन मद्दत पुग्ने उदेश्यले स्वास्थ्यका लागी खेलकुद भन्ने नाराका साथ प्रतियोगीता आयोजना गर्न लागिएको क्लबका उपाध्यक्ष नवराज बज्रचार्यले जानकारी दिनुभयो ।
सातौ संस्करणको प्रतियोगितामा प्रथम हुने समुहले नगद १ लाख ११ हजार १ सय ११ रुपैया तथा शिल्ड, दोस्रो हुने समुहले नगद ५५ हजार ५ सय ५५ रुपैया सहित शिल्ड प्राप्त गर्ने आयोजकले जनाएको छ ।
यो पनि पढ्नुहोस्
