नेपालमा पछिल्लो २४ घण्टामा थप २ संक्रमितको मृत्यु, थप १५८ जनामा कोरोना पुष्टि
पछिल्लो २४ घण्टामा देशभर कोरोना संक्रमणबाट थप २ जनाको मृत्यु भएको छ । योसंंगै नेपालमा कोरानाका कारण मृत्यु हुनेको संख्या ११ हजार ५२३ पुगेको स्वास्थ्य तथा जनसंख्या मन्त्रालयले जनाएको छ।
यस्तै पछिल्लो २४ घण्टामा थप १५८ जना संक्रमिात थपिएका छन् । ६ हजार ६ सय ४ जनाको पीसीआर परीक्षण गर्दा १५४ जना र २ हजार ३ सय १४ जनाको एन्टीजेन परीक्षण गर्दा ४ जना गरी १५८ जनामा कोरोना संक्रमण पुष्टि भएको मन्त्रालयले जनाएको छ ।
आइतबार थपिएकासंगै नेपालमा कोरोना संक्रमितको कुल संख्या ९ लाख १६ हजार ३५० पुगेको छ । यसैगरी आइतबार ३४२ जना निको भई घर फर्किको स्वास्थ्य मन्त्रालयले जनाएको छ । योसंगै देशभर कोरोनामुक्त हुनेको संख्या ८ लाख २ हजार ३८९ पुगेको छ ।
मन्त्रालयका अनुसार हाल देशभर ६ हजार ९६६ जना सक्रिय संक्रमित छन् । जसमध्ये ६ हजार ५८९ जना होम आइसोलेसनमा र ३७७ जना संस्थागत आइसोलेसनमा रहेका छन् ।
यो पनि पढ्नुहोस्
