मकवानपुरको कैलाशमा १७ बिगाह १० कठ्ठा गाँजा खेती नष्ट
मकवानपुरको विकट कैलाश गाउँपालिकाको विभीन्न वडामा अबैध रुपमा लगाइएको गाँजा खेती प्रहरीले नष्ट गरेको छ । स्थानीय वासिन्दाहरुले लगाएको गाँजा प्रहरीले नष्ट गरेको हो ।
प्रहरीले तीन दिन लगाएर १७ विगाहा १० कठ्ठामा लगाएको गाँजा खेती नष्ट गरेको हो । गाँजा खेती नष्ट गर्ने अभियान अन्तर्गत प्रहरी प्रधान कार्यालय लागुऔषध नियन्त्रण ब्युरो कोटेश्वर काठमाण्डौ, बागमती प्रदेश प्रहरी कार्यालय हेटौडा, बागमती प्रदेश दंगा नियन्त्रण गण र जिल्ला प्रहरी कार्यालय मकवानपुरबाट संयुक्त रुपमा गाँजा फडानी गरिएको हो ।
प्रहरी निरीक्षक अबिनाश अधिकारीको कमाण्डमा खटिएको ७२ जनाको प्रहरी टोलिले तीन दिन लगाएर कैलाश गाउँपालिकाको वडा नम्बर–४ नामटार, डाँडा, कैलाशको वडा नंम्बर–९ जलेस्वर, टिमुरे, खैरेनिटार र कैलाशको वडा नम्बर–१० को घैराङटार स्थितको वडा एरियामा गरी १७ बिगाह १० कठ्ठामा लगाएको अबैध लागुऔषध गाँजाखेती फडानी गरी नष्ट गरिएको जिल्ला प्रहरी कार्यालय मकवानपुरले जनाएको छ ।
यो पनि पढ्नुहोस्
