आइतबार थप ८ जना कोरोना संक्रमितको मृत्यु, ४०८ जना संक्रमित थपिए
आइतबार नेपालमा कोरोना संक्रमणका कारण ८जनाको मृत्यु भएको छ । योसंगै हालसम्म नेपालमा कोरोनाबाट मृत्यु हुनेको संख्या ११ हजार ४०७ पुगेको स्वास्थ्य तथा जनसंख्या मन्त्रालयले जनाएको छ ।
यस्तै पछिल्लो २४ घण्टामा ४ सय ८ जनामा कोरोना संक्रमण पुष्टि भएको छ । मन्त्रालयका अनुसार ७ हजार ८९९ जनाको आरटी–पीसीआर र एन्टिजेन विधिबाट परीक्षण गर्दा ४ सय ८ जनामा कोरोना पुष्टि भएको हो । योसंगै नेपालमा कोरोना संक्रमितको कुल संख्या ९ लाख ०७ हजार १०५ पुगेको छ ।
यस्तै २४ घण्टामा ५ सय १८ जना निको भएका छन् । योसंगै नेपालमा कोरोनामुक्त हुनेको संख्या ७ लाख ९१ हजार ७८७ पुगेको मन्त्रालयले जानकारी दिएको छ ।
यो पनि पढ्नुहोस्
