आईसीसी टी–२० विश्वकप क्रिकेटमा आज दुई वटा खेल हुँदै
आईसीसी टी–२० विश्वकप क्रिकेटमा आज दुई वटा खेल हुँदैछन् ।
समूह एकमा रहेका दक्षिण अफ्रिका र श्रीलङ्का तथा दोस्रो खेलमा इङ्ग्ल्यान्ड र अष्ट्रेलिया खेल्दैछन् । दक्षिण अफ्रिका र श्रीलङ्काबीचको खेल सारजाहमा दिउँसो पौने चार बजे सुरु हुनेछ । दक्षिण अफ्रिकाले २ खेलमा २ अङ्क जोडेको छ। दक्षिण अफ्रिका तालिकाको तेस्रो स्थानमा छ । त्यस्तै श्रीलङ्का २ अङ्कसहित चौथो स्थानमा छ ।
आजको दोस्रो खेलमा बेलुका पौने आठ बजे दुबईमा इङ्ग्ल्यान्ड र अष्ट्रेलिया खेल्दैछन् । इङ्ग्ल्यान्ड र अष्ट्रेलियाले यसअघिका दुई खेलमा जित निकालेका छन् । इङ्ग्ल्यान्ड २ खेलमा ४ अङ्कका साथ तालिकाको शीर्ष स्थानमा छ । अष्ट्रेलिया ४ अङ्कसहित दोस्रो स्थानमा छ । साभारः उज्यालो अनलाइन ।
यो पनि पढ्नुहोस्
