शुक्रबार थप ६ जना कोरोना संक्रमितको मृत्यु, ५ सय ४९ जना संक्रमित थपिए
पछिल्लो २४ घण्टामा देशभर थप ६ जना कोरोना संक्रमितको मृत्यु भएको छ । योसंगै नेपालमा कोरोना संक्रमणबाट मृत्यु हुनेको संख्या ११ हजार ३८८ पुगेको स्वास्थ्य तथा जनसंख्या मन्त्रालयले जानकारी दिएको छ ।
यस्तै पछिल्लो २४ घण्टामा देशभर ५४९ जना संक्रमित थपएका छन् । योसंगै कोरोना संक्रमितको कुल संख्या ८ लाख ११ हजार ९५६ पुगेको छ । मन्त्रालयका अनुसार ७ हजार १४५ नमुनाको पीसीआर परीक्षणमा ४९० र २ हजार ६०१ नमुनाको एन्टिजेन परीक्षण गर्दा ५९ जनामा कोरोना संक्रमण देखिएको हो ।
यसैबीच पछिल्लो २४ घण्टामा देशभर ५६९ जना कोरोनामुक्त भएका छन् । योसंगै नेपालमा ७ लाख ९० हजार ३५८ जना संक्रमणमुक्त भएको मन्त्रालयले जनाएको छ ।
यो पनि पढ्नुहोस्
