बिहिबार थप २ कोरोना संक्रमितको मृत्यु, ५ सय ९१ जना संक्रमित थपिए
पछिल्लो २४ घण्टामा कोरोना संक्रमणबाट थप २ जनाको मृत्यु भएको छ । योसंगै नेपालमा कोरोना संक्रमणबाट मृत्यु हुनेको संख्या ११ हजार ३८२ पुगेको स्वास्थ्य तथा जनसंख्या मन्त्रालयले जानकारी दिएको छ ।
यस्तै पछिल्लो २४ घण्टामा ५९१ जना संक्रमित थपिएका छन् । योसंगै कोरोना संक्रमितको कुल संख्या ८ लाख ११ हजार ४०७ पुगेको छ । मन्त्रालयका अनुसार ८ हजार ४ सय ४८ जनाको पीसीआर परीक्षण गर्दा ५२७ जना र २ हजार ५ सय ७ जनाको एन्टिजेन परीक्षण गर्दा ६४ जना गरी बिहबिार ५९१ जनामा कोरोना संक्रमण देखिएको हो ।
यस्तै पछिल्लो २४ घण्टामा ६६४ जना निको भएसंगै नेपालमा ७ लाख ८९ हजार ७८९ जना संक्रमणमुक्त भएका े मन्त्रालयले जनाएको छ । मन्त्रालयका अनुसार हाल देशभर सक्रिय संक्रमितको संख्या १० हजार २३६ जना रहेको छ । जसमध्ये ९ हजार ४१४ जना होम आइसोलेसनमा र ८२२ जना संस्थागत आइसोलेसनमा छन् ।
कोरोनाका बिरामीमध्ये २४८ जना आईसीयू र ८०१जना भेन्टिलेटरमा उपचाररत् छन् । यस्तै १० वर्ष मुनिका ७ बालबालिकामा कोरोना संक्रमण पुष्टि भएको छ भने ११ देखि २० वर्ष उमेर समूहका ४१ जना कोरोना संक्रमित थपिएका छन् ।
यो पनि पढ्नुहोस्
