वीरगंजमा लागुऔषधसहित हेटौंडाका दुई जना पक्राउ
प्रहरीले वीरगंज महानगरपालिका–१६ वाईपासबाट लागुऔषध ट्याब्लेटसहित दुई जनालाई पक्राउ गरेको छ । पक्राउ पर्नेमा मकवानपुरको हेटौंडा उपमहानगरपालिका–३ बस्ने २६ वर्षिय सुमन न्यौपाने र २८ वर्षिय रोशन लामा रहेका छन् ।
गएराती प्रहरी चौकी गणेशटोल र जिल्ला प्रहरी कार्यालय, पर्साबाट खटिएको संयुक्त टोलीले उनीहरुलाई पक्राउ गरेको हो । रजतजयन्ती चोकबाट आउने गाडीहरू नियमित जाँच गर्ने क्रममा बा.४ च १०२१ नम्बरको कारलाई रोकेर जाँच गर्दा सो कारबाट लागुऔषध वीनसिरेक्स १ सय एमएलको २३७ बोत्तल र नाईट्राभेट ट्याब्लेट ६०० पिस फेला परेको प्रहरीको भनाई छ ।
कार्टुनमा प्याकिङ गरेर गाडीको पछाडि सिटमुनी राखिएको अवस्थामा उक्त लागुऔषधहरु फेला परेकोले प्रहरीले जनाएको छ । लागुऔषधसहित पक्राउ परेका उनीहरुविरुद्ध लागुऔषध सम्बन्धी कसूरमा थप अनुसन्धान अगाडि बढाइएको प्रहरीले जनाएको छ ।
यो पनि पढ्नुहोस्
