२४ घण्टामा थप ८ जना कोरोना संक्रमितको मृत्यु, ५१३ संक्रमित थपिए
देशभर पछिल्लो २४ घण्टामा थप ८ जनाले कोरोना संक्रमितको मृत्यु भएको छ । योसंगै कोरोनाका कारण मृत्यु हुनेको संख्या ११ हजार ३ सय ४५ जना पुगेको छ ।
यस्तै २४ घण्टामा ५ सय १३ जनामा कोरोना संक्रमण पुष्टि भएको छ । पीसीआर विधिबाट गरेको परीक्षणमा ४३८ र एन्टिजेन विधिको परीक्षणमा ३८ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
योसंगै नेपालमा पीसीआर विधिबाट गरेको परीक्षणमा ८ लाख ८ हजार ५ सय ३४ जना र एन्टिजेन विधिबाट गरेको परीक्षणमा ९३ हजार ९ सय ८० जनामा संक्रमण पुष्टि भएको छ । यस्तै पछिल्लो २४ घण्टामा ८१७ जना निको भएसंगै कोरोनामुक्त हुनेको संख्या ७ लाख ८६ हजार ६ सय ३० जना पुगेको छ ।
यो पनि पढ्नुहोस्
