श्रीलंका आईसीसी टी-२० विश्वकप क्रिकेटको सुपर १२ मा प्रवेश
नेदरल्याण्ड्सलाई पराजित गर्दै श्रीलंका समूह विजेता बनेर आईसीसी टी-२० विश्वकप क्रिकेटको सुपर १२ मा प्रवेश गरेको छ ।पहिलो चरणअन्तर्गत समूह ए को अन्तिम खेलमा श्रीलंकाले शुक्रबार राति नेदरल्यान्ड्सलाई ८ विकेटले पराजित गरेको हो ।
श्रीलंकाको जितमा ओपनर कुशल परेराले अविजित ३३ रन बनाए । अभिस्का फर्नान्डो २ रनमा अविजित रहे । नेदरल्यान्ड्सका ब्राण्डन ग्लोभर र पाउल भान मिकरेनले एक/एक विकेट लिए । त्यसअघि पहिले ब्याटिङ गरेको नेदरल्यान्ड्सले श्रीलंकाली बलरको घातक बलिङसामु टिक्न सकेन र १० ओभरमै ४४ रनमा अलआउट भएको थियो ।
नेदरल्यान्ड्सका कोलिन एकार्मानले ११ रन बनाउनुबाहेक अन्य खेलाडीले दोहोरो अंकमा रन जोड्न सकेनन् । नेदरल्यान्ड्सलाई अलआउट समेट्न लाहिरु कुमारा र वानिन्दु हसरंगा डी सिल्भाले तीन/तीन विकेट लिए । यस्तै महेश थिकसानाले दुई तथा दुश्मन्था चामिराले एक विकेट लिए । साभारः अनलाइन खबर ।
यो पनि पढ्नुहोस्
