नेपालमा पछिल्लो २४ घण्टामा ९ जना कोरोना संक्रमितको मृत्यु
नेपालमा पछिल्लो २४ घण्टामा ९ जना कोरोना संक्रमितको मृत्यु भएको स्वास्थ्य तथा जनसंख्या मन्त्रालयले जनाएको छ । योसंगै देशभर कोरोनाका कारण मृत्यु हुनेको संख्या ११ हजार ९६ पुगेको छ ।
यस्तै पछिल्लो २४ घण्टामा ८३४ जना कोरोना संक्रमित थपिएका छन् । ८ हजार ५ सय ८९ पीसीआर परीक्षण गर्दा ७३० जना र ५ हजार १४७ एन्टिजेन परीक्षण गर्दा १ सय ४ गरी ८३४ जनामा कोरोना संक्रमण पुष्टि भएको मन्त्रालयले जनाएको छ । आइतबार थपिएका सहित नेपालमा कोरोना संक्रमितको कुल संख्या ७ लाख ९१ हजार ३९२ पुगेको छ ।
यस्तै १ हजार २७९ जना कोरोनामुक्त भएका छन् । योसंगै संक्रमण मुक्त हुनेको संख्या ७ लाख ६१ हजार १५४ जना पुगेको छ । हाल देशभर सक्रिय संक्रमितको संख्या १९ हजार १४२ जना रहेको मन्त्रालयले जनाएको छ । जसमध्ये १७ हजार ८१३ जना होम आइसोलेसनमा छन् भने १ हजार ३२९ जना संस्थागत आइसोलेसनमा रहेका छन् ।
यो पनि पढ्नुहोस्
