पत्रकार महासंघ मकवानपुरका कार्यसमिती सदस्य सञ्जेललाई पितृशोक

नेपाल पत्रकार महासंघ मकवानपुर शाखाका कार्यसमिती सदस्य अर्जुन सञ्जेललाई पितृशोक परेको छ ।

उहाँका पुजनिय पिता ६२ बर्षका यदुनाथ सञ्जेलको उपचारको क्रममा असोज ९ गते शनिबार अपरान्ह ४ः३० बजे निधन भएको परिवारले जनाएको छ । उहाँको निधनप्रति पत्रकार महासंघ मकवानपुर शाखाले गहिरो समवेदना प्रकट गरेको छ ।

सचिव शुभलक्ष्मी विश्वकर्माले शोक वक्तब्य जारी गरी महासंघका कार्यसमिति सदस्य सञ्जेलका स्वर्गीय पिता प्रति श्रद्धाञ्जली अर्पण गर्दै परिवारजनमा गहिरो समवेदना व्यक्त गर्नु भएको हो ।

यस्तै प्रेस संगठन मकवानपुरका सदस्य समेत रहेका सञ्जेलका पिताको निधनमा प्रेस संगठन मकवानपुरले समेत दुःख व्यक्त गरेको छ । संयोजक अञ्जली थापाले शोक वक्तब्य जारी गर्दै श्रद्धाञ्जली अर्पण गर्नुका साथै शोक सन्तप्त परिवारजनमा समवेदना प्रकट गर्नुभएको छ ।