१७५ किलो लागुऔषध गाँजासहित मकवानपुरका २ जना पक्राउ
मकवानपुर । जिल्ला प्रहरी कार्यालय, मकवानपुरबाट खटिएको प्रहरी टोलीले लागुऔषध गाँजा र ट्रकसहित २ जनालाई पक्राउ गरेको छ ।
पक्राउ पर्नेमा जिल्लाको भिमफेदी गाउँपालिका–९ बस्ने ३१ वर्षिय मोहन स्याङतान र सोहि ट्रकमा सवार थाहा नगरपालिका–३ बस्ने २४ वर्षिय प्रशान्त कार्की रहेका छन् ।
बिहीबार प्राप्त सूचनाको आधारमा खटिएको प्रहरी उपरीक्षक समेतको प्रहरी टोलिले हेटौंडा उपमहानगरपालिका–११ थानाभ¥याङमा उनीहरुलाई फत्राउ गरेको हो ।
पालुङ तर्फबाट बिरगंज तर्फ जाँदै गरेको ना ३ ख ५९५० नम्बरको ट्रक बिग्रिएपछि थानाभ¥याङमा मर्मत गर्नका लागि रोकिएको थियो ।
उक्त ट्रकलाई चेकजाँच गर्दा ट्रकभित्र फल्स बटम बनाई लुकाईछिपाई ल्याएको लागुऔषध गाँजा १७५ किलो फेला परेको प्रहरीले जनाएको छ । सो लागुऔषध, ट्रकका साथै स्याङतान र कार्कीलाई नियन्त्रणमा लिई थप अनुसन्धान भईरहेको प्रहरीले जनाएको छ ।
यो पनि पढ्नुहोस्
