नेपालमा पछिल्लो २४ घण्टामा थप ५ कोरोना संक्रमितको मृत्यु
नेपालमा पछिल्लो २४ घण्टामा थप ५ कोरोना संक्रमितको मृत्यु भएको छ । योसंगै देशभर कोरोनाबाट मृत्यु हुनेको संख्या ११ हजार ५३ पुगेको स्वास्थ्य तथा जनसंख्या मन्त्रालयले जनाएको छ ।
यस्तै २४ घण्टाको अवधीमा १ हजार ३३० जनामा कोरोना संक्रमित थपिएका छन् । पीसीआर र एन्टिजेन गरी १३ हजार ६ सय २२ जनाको नमुना परीक्षण गर्दा १ हजार ३३० जनामा संक्रमण पुष्टि भएको मन्त्रालयले जनाएको छ । योसंगै देशरभर कुल संक्रमितको संख्या ८ लाख ७५ हजार ९ सय ५९ पुगेको छ ।
यस्तै पछिल्लो २४ घण्टामा १ हजार ८३० जना निको भएसंगै कोरोनामुक्त हुनेको संख्या ७ लाख ५४ हजार पुगेको मन्त्रालयले जानकारी दिएको छ । अहिले नेपालमा २१ हजार पाँच सय २४ जना सक्रिय संक्रमित रहेका छन् ती मध्ये ३३५ जनाको आईसीयू र १०७ जनाको भेन्टिलेटरमा उपचार भइरहेको छ ।
पछिल्लो २४ घण्टामा ५२ हजार दुई सय ४२ मात्रा कोरोनाविरुद्धको खोप लगाइएको छ । योसहित नेपालमा पूर्ण मात्रा खोप लगाउनेको संख्या ५६ लाख २८ हजार सात सय ९२ जना र एक मात्रा खोप लगाउनेको संख्या ६२ लाख ३० हजार आठ सय २३ पुगेको स्वास्थ्य मन्त्रालयले जानकारी दिएको छ ।
यो पनि पढ्नुहोस्
