मकवानपुरमा आइतवार १ जना कोरोना संक्रमित थपिए

मकवानपुरमा आइतवार १ जना कोरोना संक्रमित थपिएका छन् ।

पछिल्लो २४ घण्टामा ७ जनाको पीसीआर र २२ जनाको एन्टिजेन गरी जम्मा २९ जनाको कोरोना परिक्षण गर्दा १ जनामा संक्रमण पुष्टि भएको स्वास्थ्य कार्यालय मकवानपुरले जनाएको छ ।

हालसम्म जिल्लामा १५ हजार ८ जनामा कोरोना पुष्टि भएकोमा १४ हजार ५ सय १९ जना निको भएका छन् । अहिले मकवानपुरमा ३ सय २६ जना सक्रिय संक्रमित रहेको कार्यलयले जनाएको छ । कोरोना संक्रमणबाट मकवानपुरमा हालसम्म १६३ जनाको मृत्यु भएको छ ।