पत्रकार महासंघ केन्द्रीय समितिको बैठक दामनमा आजबाट सुरु हुँदै
नेपाल पत्रकार महासंघ केन्द्रीय समितिको बैठक मकवानपुरको दामनमा आजबाट सुरु हुँदैछ ।
पत्रकार महासंघ मकवानपुर शाखाको आतिथ्यतामा हुने केन्द्रीय समितिको बैठक ८,९ र १० गते तिन दिनसम्म चल्नेछ । महासंघको निर्वाचनपछि पहिलो पटक भौतिक उपस्थितिमा संचालन हुने बैठकले पत्रकार महासंघको आगामी ३ बर्षको कार्यायोजना निर्माण गर्नेछ ।
बैठकमा महासंघ केन्द्रीय समितिका ५२ जना पदाधिकारी र ३ जना सल्लाहकार गरी ५५ जना र मकवानपुरका केही पत्रकारसहित करिब ६० जना सहभागि हुने जनाइएको छ । बैठकमा पत्रकार महासंघ मकवानपुर शाखाका अध्यक्ष मणिराज गौतमले जिल्ला शाखाको तर्फबाट छोटो प्रस्तुतीकरण गर्नुहुनेछ ।
यस्तै भदौ १० गते नेपाल पत्रकार महासंघका अध्यक्ष विपुल पोखरेल हेटौंडा आएर बैठकका निर्णयहरु सार्वजनिक गर्ने कार्यक्रम तय भएको जनाइएको छ । सो बैठकको लागि आवश्यक व्यवस्थापन मिलाउन मकवानपुर शाखाका पदाधिकारीहरु खटिएका छन् भने जनस्वास्थ्यको मापदण्डअनुरुप बैठक संचालन हुने जनाइएको छ ।
यो पनि पढ्नुहोस्
