पत्रकार महासंघ मकवानपुरद्वारा फिचर लेखन प्रतियोगिताका विजयीहरुलाई पुरस्कार वितरण
नेपाल पत्रकार महासंघ मकवानपुरद्वारा आयोजित फिचर लेखन प्रतियोगिताका विजयीहरुलाई आज नगदसहित पुरस्कृत गरिएको छ ।
मकवानपुरका पत्रकारहरुलाई लक्षित गरेर आयोजना गरिएको सो प्रतियोगितामा क्रमश प्रथम हुने प्रमोद आर्याललाई नगद २५ हजार, द्धितीय हुने भावना रिजाललाई नगद १५ हजार र तृतीय हुने सुदिप शिवाकोटीलाई नगद १० हजारसहित पुरस्कृत गरिएको हो ।
त्यस्तै सहभागि मध्ये उत्कृष्टताका आधारमा अन्य ७ जनालाई नगद ५ हजारसहित सान्त्वना पुरस्कार प्रदान गरिएको हो ।
सान्त्वना पुरस्कार प्राप्त गर्नेहरुमा क्रमश, श्रीराम दाहाल, नीशा गुरुङ, सम्झना रिजाल, सुनिता विष्ट, मसान उपासक, रञ्जिता डंगोल, प्रिया पौडेल रहेका छन् । कार्यक्रममा फिचर लेखन प्रतियोगिताका सहभागिहरुलाई पनि प्रमाणपत्र वितरण गरिएको थियो ।
कार्यक्रममा प्रमुख अतिथि एवम् बागमती प्रदेशसभाका सदस्य प्रेमबहादुर पुलामी, र महासंघका पूर्व अध्यक्ष नवराज शर्माले उनीहरुलाई नगदसहित पुरस्कार हस्तान्तरण गरेका हुन् ।
फिचर लेखन प्रतियोगिताका निर्णायकहरु क्रमश भानुभक्त आचार्य, रामकुमार एलन र राममणी दाहाललाई पनि नगद ५ हजारसहित कदरपत्र प्रदान गरिएको छ ।
कार्यक्रमलाई सम्बोधन गर्दै प्रमुख अतिथि पुलामीले महासंघले श्रमजिवी पत्रकारहरुको लागि आयोजना गरेको फिचर लेखन प्रतियोगिता निकै प्रभावकारी भएको बताए ।
उनले उँदै आगामी दिनहरुमा पनि यस्ता कार्यक्रम आयोजना गर्न सुझाव दिँदै आफ्नो क्षेत्रबाट पनि सहयोग उपलब्ध गराउने आश्वासन दिए ।
कार्यक्रममा पत्रकार महासंघ मकवानपुरका अध्यक्ष एवम् मणिराज गौतमले बर्षमा ३ वटा फिचरलेखन प्रतियोगिता र तालिमसमेत आयोजना गरिने बताए । महासंघ श्रमजिवी पत्रकार र संचारमाध्ययमको प्रर्वद्धनमा सँधै डटेर लाग्ने उनले बताए ।
कार्यक्रममा पत्रकार महासंघका केन्द्रीय सदस्य सुनिल खड्का, बागमती प्रदेश उपाध्यक्ष रुपेश दुलाल, प्रेस युनियन मकवानपुरका अध्यक्ष कुमार अधिकारी, स्वतन्त्र पत्रकार संघ मकवानपुरका अध्यक्ष गोकुल अधिकारीलगायत मकवानपुरका संचारकर्मीहरुको उपस्थिति रहेको थियो । साभार: तुखबरबाट ।
यो पनि पढ्नुहोस्
