लेबनानमा इन्धन बोकेको ट्याङ्कर विस्फोट हुँदा २० जनाको मृत्यु
लेबनानको उत्तर पश्चिमा पर्ने अक्करमा इन्धन बोकेको ट्याङ्कर विस्फाेट हुँदा २० जनाको ज्यान गएको छ । ७९ जनाभन्दा धेरै घाइते भएका छन् । घाइतेहरुको स्थानीय अस्पतालमा उपचार चलिरहेको अल्जजिराले जनाएको छ ।
ट्याङ्कर विस्फाेटको कारण खुलेको छैन । लामो समयदेखि आर्थिक सङ्कटमा रहेको लेबनानले केही महिनादेखि इन्धन अभावको चुनौती समेत सामना गरिरहेको छ ।
लेबनानका पूर्व राष्ट्रपति साद अल हरिरीले ट्वीटमार्फत घटनाप्रति दुःख व्यक्त गर्दै वर्तमान राष्ट्रपतिसँगै लेबनानका अधिकारीले विस्फाेटको जिम्मेवारी लिनुपर्ने बताउनु भएको छ ।
उहाँले गएको वर्ष बेरुतमा बन्दरगाहामा भएको विस्फाेटको घटनालाई जोड्दै अहिलेका राष्ट्रपति र सरकारी अधिकारीको राजीनामाको माग गर्नु भएको छ । साभारः उज्यालो अनलाइन ।
यो पनि पढ्नुहोस्
