मकवानपुरमा भारतीय ट्रकबाट १२७ किलो गाँजा बरामद, ३ जना पक्राउ
मकवानपुर । प्रहरीले १२७ किलो लागुऔषध गाँजासहित ३ जनालाई पक्राउ गरेको छ । पक्राउ पर्नेमा ट्रकका चालक भारतको बैशाल जिल्ला बस्ने रामराज सहनी, ट्रकमा सवार भारत कै समस्तिपुर जिल्ला बस्ने राहुल कुमार सहनी र पर्साको वीरगंज महानगरपालिका–९ चोर्नी बस्ने रियाजुल अंसारी रहेका छन् ।
आज बिहान जिल्ला प्रहरी कार्यालय मकवानपुरबाट खटिएको प्रहरी टोलिले मकवानपुरको मनहरी गाउँपालिका–८ सिमपानीबाट उनीहरुलाई पक्राउ गरेको हो ।
पूर्व–पश्चिम लोकमार्ग सडकखण्डमा बीआरई २८३९ नम्बरको भारतीय ट्रकलाई रोकी चेकजाँच गर्दा उक्त परिमाणको गाँजा प्रहरीले फेला पारेको हो । प्रहरीले गाँजा फेला परेको भारतीय नम्बरको उक्त ट्रक पनि नियन्त्रणमा लिएको छ ।
गाँजासहित पक्राउ परेका उनीहरुलार्य नियन्त्रणमा लिई आवश्यक अनुसन्धान भईरहेको प्रहरीले जनाएको छ ।
यो पनि पढ्नुहोस्
