बकैयामा ट्याक्टर दुर्घटना हुँदा १ जनाको मृत्यु, एक मानव कंकाल फेला
मकवानपुरको बकैया गाउँपालिकामा ट्याक्टर दुर्घटना हुँदा १ जनाको मृत्यु भएको छ ।
बकैया ८ खजुरीदमारमा खेत जोत्दै गरेको प्रदेश नम्बर–३–००१ त २५२ नम्बरको ट्याक्टर दुर्घटना हुँदा चालक बकैया–३ का २२ बर्षीय बुद्ध भ्लोनको मृत्यु भएको हो ।
स्थानीय कृष्ण बहादुर बज्युको खेत जोत्दै गर्दा ट्याक्टर एक्कासि अनियन्त्रित भई दुर्घटना हुँदा चालक भ्लोनको घटनास्थलमै मृत्यु भएको मकवानपुरका प्रहरी प्रवक्ता डिएसपी जयश्वर रिमालले जानकारी दिनुभयो ।
यसैबीच, बकैया गाउँपालिका वडा नम्बर ४ मा मानव कंकाल फेला परेको छ । बकैया ४ को एक सामुदायिक वनमा मानव कंकाल फेला परेको प्रहरी प्रवक्ता रिमालले जानकारी दिनुभयो । वनमा घाँसदाउरा गर्न गएका स्थानीयले मानव कंकाल देखेपछि प्रहरीलाई खबर गरेका थिए ।
यो पनि पढ्नुहोस्
