पौडेलको सकृयतामा विभिन्न मन्दिर परिसरमा बृक्षारोपण
हेटौडा ८ कमाने निवासी नवराज पौडेलको सकृयतामा विभिन्न मन्दिर परिसरमा बृक्षारोपण गरिएको छ ।
फुल रोप्न उपयुक्त मौसम को सदुपयोग गर्दै फुल तथा अन्य विभिन्न प्रजातिका विरुवा रोपिएको छ। हेटौडा क्याम्पा डाँडाको दुर्गा मन्दिर न्युरेनी चिसापानीको नाग मन्दिर लगाएतका धार्मिक स्थलमा फुलका विरुवा रोपिएको हो।
यसअघि पनि पौडेको सकृयतामा हेटौडा ८ कालिका मन्दिर र ओम नगरको शिवमन्दिर, हेटौडा १ चौकिटोलको भस्मेस्वर महादेव मन्दिर,हेटौडा ९ कर्राको दुर्गामन्दिर लागाएत १० वटा मन्दिरमा फुलका विरुवा रोपिएको थियो । धुपी,स्वामी,पारिजात पलाँस कल्की लगाएत अन्य विभिन्न प्रजातिका विरुवा रोपिएको पौडेलले बताउनुभयो ।
जिल्ला वन कार्यालयले विरुवा सहयोग गरेको थियो भने स्थानीयको सहभागितामा वृक्षारोपण कार्यक्रम सम्पन्न भएको हो । पौडेलको सकृयतामा मकवानपुरका विभिन्न स्थानका धार्मिक तथा सांस्कृतिक सम्पदाको संरक्षका लागि विभिन्न कार्यहरु हुदै आएका छन् । धार्मिक तथा पर्यटकीय क्षेत्रहरुको संरक्षणको अभियानमा सबैको साथको अपेक्षा रहेको पनि पौडेलले बताउनुभयो ।
यो पनि पढ्नुहोस्
