नेपालमा सोमबार १८ संक्रमितको मृत्यु, २,३७० संक्रमित थपिए
नेपालमा सोमबार कोरोना संक्रमणका कारण १८ जनाको मृत्यु भएको छ । योसंगै कोरोनाका कारण मृत्यु हुनेको संख्या ९ हजार ४ सय पुगेको स्वास्थ्य तथा जनसंख्या मन्त्रालयले जानकारी दिएको छ ।
यस्तै पछिल्लो २४ घण्टामा २ हजार ३७० जना संक्रमित थपिएका छन् । ७ हजार ६८९ पीसीआर परीक्षण गर्दा १ हजार ६९० जना र ३ हजार ८९५ एन्टिजेन परीक्षण गर्दा ६८० गरी २ हजार ३७० जनामा कोरोना संक्रमण पुष्टि भएको हो ।
यस्तै पछिल्लो २४ घण्टामा १ हजार १३३ जना कोरोनामुक्त भएको स्वास्थ्य मन्त्रालयले जानकारी दिएको छ । योसंगै कोरोना निको हुनेको संख्या ६ लाख २१ हजार २७ जना पुगेको छ । अहिले नेपालमा २६ हजार ७ सय १२ जना सक्रिय संक्रमित छन् ।
यो पनि पढ्नुहोस्
