हेटौडा –१२ पदमपोखरीमा निर्माण सम्पन्न सडकको उद्घाटन
हेटौंडा उपमहानगरपालिकाका मेयर हरी बहादुर महतले आइतबार वडा नम्बर –१२ पदमपोखरीमा निर्माण सम्पन्न सडकको उद्घाटन गर्नु भएको छ ।
पदमपोखरीको बेलडाडा हुँदै चकरी मकरी जाने पक्की सडक निर्मा भएपछि स्थानीय खुशी भएका छन् । हेटौंडाका टोल टोलमा विकासका काम गर्न स्थानीय सरकार अग्रसर भएकोमा खुशी हुँदै मेयर महतले पछी थपीएका वडामा पक्की सडक निर्माण कार्य अभियानकै रुपमा रहकेको बताउनुभयो ।
पहिलो चरणमा २५ लाख रुपैयाँ लागतमा २ सय ३५ मिटर स्ल्याप ढलानको काम सम्पन्न भएको हो । आगामी आर्थिक वर्षमा समेत सडक निर्माणका लागि थप रकम सहयोग गरिने मेयर महतले आश्वासन दिनु भएको छ ।
कार्यक्रममा मनहरी गाउँपालिकाका अध्यक्ष एकराज उप्रेतीले विकासका काममा आफुहरु सधै लागिपरेको बताउनुभयो । कार्यक्रममा हेटौंडा–१२ का वडा अध्यक्ष ललित घलान लगायतकाको आतिथ्यता रहेको थियो ।
यो पनि पढ्नुहोस्
