लागूऔषध दुव्र्यसनी सुधार केन्द्रका संचालक गाँजा सहित पक्राउ
जिल्ला प्रहरी कार्यालय मकवानपुरले दिपकला प्रतिष्ठान सुधार केन्द्रका संचालक सहित अर्का एकजनालाई गाँजासहित पक्राउ गरेको छ ।
जिल्ला प्रशासन कार्यालय मकवानपुर र जिल्ला प्रहरी कार्यालय मकवानपुरबाट खटिएको अनुगमन टोलिले राजिव नरसिंह श्रेष्ठलाई हेटौंडा ९ लामसुरेमा रहेको सुधार केन्द्रबाटै पक्राउ गरेको हो । अनुगमन टोलीले संचालक श्रेष्ठ बस्ने कोठा खानतलासी गर्दा ३ ग्राम लागूऔषध गाँजा बरामद भएको प्रहरीले जनाएको छ ।
हेटौडा ४ बस्ने ३५ बर्षका सुधार केन्द्र संचालक श्रेष्ठ र हेटौंडा ९ बस्ने बर्ष २८ को जोएल श्रेष्ठलाई संकाको आधारमा चेकजाँच गर्दा गाँजा बरामद गरेको प्रहरीले जनाएको छ ।
केन्द्रका संचालक श्रेष्ठले लगाएको पाईन्टको खल्ती भीत्र प्लास्टिकले बेरी लुकाई राखेको लागूऔषध गाँजा २ ग्राम र सोही कोठाको भित्तामा झुन्डाईरहेको लेदरको ज्याकेटमा लागुऔषध गाँजा १ ग्राम गरी जम्मा ३ ग्राम लागूऔषध गाँजा बरामद भएको हो । उनिहरुलाई नियन्त्रणमा लिई थप अनुसन्धान अघि बढाइएको प्रहरीले जनाएको छ ।
यो पनि पढ्नुहोस्
