सर्पले डसेर मकवानपुरका १ युवकको मृत्यु

सर्पले डसेर मकवानपुरका एक युवकको मृत्यु भएको छ ।

बाराको निजगढमा सर्पले डसेर हेटौंडा उपमहनगरपालिका–१५ भोर्लेका २० बर्षीय सरोज बम्जनको मृत्यु भएको प्रहरीले जनाएको छ । उनी बाराको निजगढ नगरपालिका– १३ डमरपुर स्थित आफ्नो मामा घरमा बस्दै आएका थिए ।

बुधबार राती ३ बजे सरोजलाई सर्पले कानमा डसेको थियो । सर्पले डसेर गम्भिर भएका उनलाई प्राथमिक स्वास्थ्य केन्द्र निजगढमा लैजाँदै गर्दा बाटोमा मृत्यु भएको जिल्ला प्रहरी कार्यालय बाराले जानकारी दिएको छ ।