चौलागाईलाई बेरोजगार युवा संगठनको सम्मान
मकवानपुर बेरोजगार युवा संगठनले युवा परिषद बागमती प्रदेशका नवनियुक्त उपाध्यक्ष सन्तोष चौलागाईलाई स्वागत तथा सम्मान गरेको छ ।
हेटौंडा ९ मा रहेका कालिमाता मन्दिरमा रहेको संस्थाको कार्यालयमा एक कार्यक्रमको आयोजना गरी संगठनका अध्यक्ष सुरेश बेरोजगार, हेटौंडा ९ का वडा अध्यक्ष लक्ष्मण प्रसाद भण्डारी लगायतले चौलागाईलाई सम्मान गर्नुभएको हो ।
सम्मान ग्रहण गर्दै उपाध्यक्ष चौलागाईले राज्यले राष्ट्रिय युवा नीति कार्यान्वयनमा ल्याइसकेको र अब युवालाइ विकास र समृद्धीसँग जोडेर देश विकासमा अघि बढ्न युवाको क्षेत्रमा कृयासिल संस्था र निकायसंग समन्वय गरी अघि बढ्ने प्रतिबद्धता व्यक्त गर्नुभयो ।
वडा अध्यक्ष भण्डारीको प्रमुख आतिथ्यतामा सम्पन्न कार्यक्रममा वडा सदस्य लक्ष्मी नेपाली, टोल विकास संस्था वडा समन्वय समितिका अध्यक्ष यदुवंश खतिवडा, लगायत वडाका युवा तथा विभिन्न संघसंस्थाका प्रतिनिधिहरुको उपस्थिती रहेको थियो ।
यो पनि पढ्नुहोस्
