२४ घण्टामा ३४ संक्रमितको मृत्यु, १ हजार ९२० जना संक्रमित थपिए
पछिल्लो २४ घण्टामा नेपालमा ३४ जना कोरोना संक्रमितको मृत्यु भएको छ ।
१ हजार ९२० जना संक्रमित थपिएका छन् । योसंगै नेपालमा हालसम्म ९००९ जनाको मृत्यु भएको स्वास्थ्य तथा जनसंख्या मन्त्रालयले जानकारी दिएको छ ।
यस्तै २४ घण्टामा ६ हजार जनामा गरिएको पीसीआर परीक्षणमा १ हजार ३५३ र ३ हजार ८३६ जनामा गरिएको एन्टिजेन परीक्षणमा ५६७ जना गरी १ हजार ९२० जनामा संक्रमण पुष्टि भएको मन्त्रालयले जनाएको छ ।
योसंगै हालुम्म नेपालमा ६ लाख ६५ हजार ७७७ जना संक्रमित भएका छन् भने ५ लाख ८४ हजार ३३४ जना संक्रमणमुक्त भएका छन् । मन्त्रालयका अनुसार पछिल्लो २४ घण्टामा कोरोनामुक्त हुनेको संख्या ३ हजार रहेको छ ।
यो पनि पढ्नुहोस्
