हेटौंडा उपमहानगरपालिकाको नगरसभामा पत्रकार तथा स्वास्थ्यकर्मी पुरस्कृत
हेटौंडा उपमहानगरपालिकाले स्वास्थ्यकर्मी तथ मकवानपुरका क्रियाशिल पत्रकारलाई पुरस्कृत गरेको छ ।
बिहिबार नवौं नगरसभामा नेपाल पत्रकार महासंघ मकवानपुरका पूर्व अध्यक्ष अग्रज पत्रकार कौशल पाण्डे, ग्यालेक्सी 4k टेलिभिजनका मकवानपुर संवाददाता देवराज पन्त, राष्ट्रिय समाचार समितिका मकवानपुर संवाददाता रिपेश दाहाल, रेडियो मकवानपुरकी पत्रकार सम्झना रिजाल, रेडियो थाहासञ्चार तथा थाहा खबर अनलाइनमा कार्यरत श्रृजना नेपाल र हेटौंडा एफएममा कार्यरत जिवराज बख्रेललाई पुरस्कृत गरिएको हो ।
पुरस्कृत हुने सबै पत्रकारलाई जनही १५ हजार रुपैया नगदसहित दोसल्ला ओढाएर सम्मानित गरिएको हो ।
यस्तै कार्यक्रममा कोरोना महामारीको जोखिममा पनि अहोरात्र खटिने २ जना स्वास्थ्यकर्मीलाई पुरस्कृत गरिएको छ । हेटौंडा अस्पतालका डाक्टर सागर काफ्लेलाई नगद २५ हजार र हेटौंडा उपमहानगरपालिकाका जनस्वास्थ्य निरिक्षक भोला चौलागाई नगद २० हजार सहित पुरस्कृत गरिएको हो ।
पत्रकार तथा स्वास्थ्यकर्मीहरुलाई मेयर हरि बहादुर महत, उपमेयर मिना लामा र प्रमुख प्रशासकिय अधिकृत शिवराज चौलागाईले सम्मान पत्र, नगद तथा दोसल्लाह ओढाएर सम्मानित गर्नु भएको हो ।
यो पनि पढ्नुहोस्
