मनहरी गाउँपालिकामा पछिल्लो समय कोरोना संक्रमितको संख्या घट्दो
मकवानपुरको मनहरी गाउँपालिकाका अध्यक्ष एकराज उप्रेतीले पछिल्लो समय गाउँपालिकामा कोरोना संक्रमितको संख्या घट्दै गएको बताउनु भएको छ ।
वडा नम्बर ३ र ६ मा संक्रमितको संख्या बढी देखिएपनि अन्य वडाहरुमा क्रमश घट्दै गएको उहाँको भनाई छ । गाउँपालिकामा अहिलेसम्म ११ सय जनाको जाँच गर्दा ६ सय जनामा कोरोना पुष्टि भएको थियो । ति मध्ये २७० जना होम आइसोलेसनमा र १ सय जना गाउँपालिकाले निर्माण गरेको कोविड -१९ अस्थाई अस्पतालमा उपचार सेवा लिएर निको भई घर फर्किसकेको अध्यक्ष उप्रेतीले बताउनुभयो । अन्य संक्रमितहरुको भने उपचार भइरहेको छ ।
कोरोना संक्राणबाट मनहरीमा अहिलेसम्म १३ जनाको मृत्यु भइसकेको छ । उहाँले कोरोनाको जोखिम न्युनिकरणमा सहयोग पुर्याउने तथा विपदमा परेका बेला सहयोग गर्नेहरुलाई धन्यवाद दिनु भएको छ ।
यसैबीच गाउँपालिका अध्यक्ष उप्रेतीले कोरोनाको जोखिन न्युनिकरणसंगै लागूऔषध दुव्र्यसन निर्मुल पार्ने अभियानमा आफुहरु लागि रहेको बताउनु भएको छ । साना पाइलाको आयोजना तथा सिआन पुर्नस्थापना केन्द्रको सहजीकरणमा सोमबार मनहरीमा भएको राहत वितरण पश्चात छहारी नेटवर्कसंग कुरा गदै उहाँले सिआनसंगको सहकार्य जारी राख्ने बताउनुभयो ।
अध्यक्ष उप्रेतीले गाउँपालिकामा दुव्र्यसनीको संख्या बढेपछि सिआनसंग मिलेर चलाएको सचेतानामुलक अभियानले निकै फाइदा पुगेको बताउनुभयो । उहाँले दुव्र्यसनीमा फसेकालाई हेला र दुव्र्यबहार नगरी चेतना अभिबृद्धिका कार्यक्रम गर्दा प्रभावकारी हुने भन्दै सिआनसंगको सहकार्य सफलता उन्मुख रहेको बताउनुभयो । उहाँले लागूऔषध दुव्र्यसनी तत्काल शुन्य अवस्थामा झार्न नसकेपनि न्युन अवस्थामा ल्याउन सफल हुने विश्वास व्यक्त गर्नुभयो ।
यो पनि पढ्नुहोस्
