बागमती प्रदेशका डिआईजी लामा र एसएसपी चौधरीको सरुवा
नेपाल प्रहरीका १६ प्रहरी नायब महानिरीक्षक (डीआईजी) र १५ प्रहरी वरिष्ठ उपरीक्षक (एसएसपी) को सरुवा भएको छ । गृह मन्त्री खगराज अधिकारीले सोमवार १६ डीआईजी र १५ एसएसपीको सरुवा गर्नुभएको हो ।
गृह मन्त्रालयको सूचनाअुनसार बागमती प्रदेश प्रहरी कार्यालय हेटौंडाका डिआईजी बसन्त कुमार लामाको प्रहरी प्रधान कार्यालय महानिरीक्षकको सचिवालय नक्सालमा सरुवा भएको छ। लामाको स्थानमा प्रहरी प्रधान कार्यालय नक्सालमा कार्यरत डिआईजी प्रकाशजंग कार्की आउनु हुने भएको छ ।
यस्तै बागमती प्रदेश प्रहरी कार्यालय हेटौंडाका एसएसपी मीरा चौधरी प्रदेश १ को प्रदेश प्रहरी तालिम केन्द्र विराटनगर सरुवा हुनु भएको छ । चौधरीको स्थानमा टेक बहादुर तामाङ्ग आउँदै हुनुहुन्छ ।
यो पनि पढ्नुहोस्
