मकवानपुरमा सोमबार ८९ संक्रमित थपिँदा ९७ जना कोरोनामुक्त
मकवानपुरमा हालसम्म ११६ जना संक्रमितको मृत्यु
मकवानपुरमा सोमबार ८९ जना कोरोना संक्रमित थपिएको स्वास्थय कार्यलय मकवानपुरले जानकारी दिएको छ । योसंगै मकवानपुरमा कोरोना संक्रमितको संख्या १० हजार ४ सय २३ पुगेको छ ।
आज थपिएका संक्रमित मध्ये सबैभन्दा धेरै ४१ जना हेटौंडा उपमहानगरपालिकाका छन् । यस्तै बागमती गाउँपालिकामा १८ जना, मनहरी गाउँपालिकामा १६ जना, मकवानपुरगढी गाउँपालिकामा ४ जना, थाहा नगरपालिका, बकैया र कैलाश गाउँपालिकामा ३र३ जना र राक्सिराङ गाउँपालिकामा १ जना संक्रमित थपिएको कार्यलयले जनाएको छ ।
यस्तै पछिल्लो २४ घण्टामा ९७ जना कोरोनामुक्त भएका छन् । योसंगै हालसम्म ९ हजार २ सय २३ जना कोरोनामुक्त भएको स्वास्थ्य कार्यालयले जनाएको छ । कार्यलयका अनुसार मकवानपुरमा हालसम्म ११६ जना संक्रमितको मृत्यु भइसकेको छ । यद्यपी पछिल्लो २४ घण्टामा भने कोरोना संक्रमणबाट कसैको पनि मृत्यु भएको छैन ।
यो पनि पढ्नुहोस्
