मकवानपुरका विपन्न ८० परिवारलाई सानो पाईलाद्वारा खाद्यान्न सहयोग
सानो पाईलाले कोरोना संक्रमणका बेला खाद्यान्न अभाव झेलिरहेका विपन्न परिवारलाई सोमबार राहत बितरण गरेको छ । सानो पाइलाले सिआन पुर्नस्थापना केन्द्र मकवानपुरको सहजिकरणमा मकवानपुरका विभिन्न स्थानमा पुगेर ८० परिवारलाई १ लाख ५० हजार रुपैया बराबरको खाद्यान्न सहयोग गरेको हो ।
संस्थाले हेटौडा उपमहानगरपालिका वडा नम्बर ९, १३ र मनहरी गाँउपालिकाको वडा नम्बर ४ का विपन्न परिवारलाई प्रति घर २५ किलो चामल, २ किलो दाल, आधा किलो चना, १ प्याकेट तेल, २ प्याकेट नुन, २ थान साबुन र ५ पिस मास्क बितरण गरेको हो ।
बिरगंजमा स्थापना भएको सानो पाइला नामको यस सामुदायिक संस्थाले राष्ट्रब्यापि रुपमा समुदायको लागि बिभिन्न कार्यक्रमहरु गर्दै आईरहेको छ ।
यो पनि पढ्नुहोस्
