नेपालमा थप १०८ संक्रमितको मृत्यु, ५,१५३ जना नयाँ संक्रमित थपिए
नेपालमा कोरोना संक्रमणका कारण मंगलबार १०८ जनाको मृत्यु भएको छ । योसंगै कोरोना संक्रमणबाट हालसम्म ८०९८ जनाको मृत्यु भएको स्वास्थ्य तथा जनसंख्या मन्त्रालयले जानकारी दिएको छ ।
यस्तै पछिल्लो २४ घण्टामा ५१५३ जना नयाँ संक्रमित थपिएका छन् भने ६५७० जना संक्रमणमुक्त भएका छन् । पछिल्लो २४ घण्टामा १२ हजार ६५ पीसीआर परीक्षणमा ३८७० र ५६११ एन्टिजेन परीक्षणमा १२८३ जना गरी कुल ५१५३ जनामा संक्रमण पुष्टि भएको हो ।
योसँगै नेपालमा कोरोना संक्रमितको कुल संख्या ६ लाख ११ हजार ३०८ पुगेको छ । जसमध्ये ५ लाख ४५ हजार ३० जना निको भएका छन् । देशभर सक्रिय संक्रमितको संख्या ८२ हजार ७३६ रहेको मन्त्रालयले जनाएको छ ।
यो पनि पढ्नुहोस्
