नेपालमा पछिल्लो २४ घण्टामा ६ हजार ९ सय ५१ जना कोरोना जित्न सफल
सोमबार ४,४७२ नयाँ संक्रमित थपिँदा ९२ संक्रमितको मृत्यु
नेपालमा पछिल्लो २४ घण्टामा ६ हजार ९ सय ५१ जना कोरोना जित्न सफल भएका छन् । योसंगै कोरोना निको हुनेको कुल संख्या ३ लाख ९७ हजार ९ सय ६० पुगेको स्वास्थ्य तथा जनसंख्या मन्त्रालयले जानकारी दिएको छ ।
अहिले कोरोना संक्रमण निको हुने दर ८४ दशमलव २ प्रतिशत छ । यसैबीच पछिल्लो २४ घण्टामा ४ हजार ४ सय ७२ जना नयाँ संक्रमित थपिएका छन् । १२ हजार २ जनाको आरटीरपीसीआर र ५ हजार ९ सय एक जनाको एन्टिजेन विधिमार्फत परीक्षण गर्दा चार हजार चार सय ७२ जनामा संक्रमण पुष्टि भएको मन्त्रालयले जनाएको छ ।
योसंगै नेपालमा कोरोना संक्रमितको संख्या ६ लाख ६ हजार १ सय ५५ पुगेको छ । मन्त्रालयका अनुसार २४ घण्टामा थप ९२ जना संक्रमितको मृत्यु भएसंगै नेपालमा कोरोनाका कारण मृत्यु हुनेको संख्या ७ हजार ९ सय ९० पुगेको छ ।
यो पनि पढ्नुहोस्
