कोरोना निको भएर घर फर्किरहेका थिङको हेटौंडामा सवारी दुर्घटनामा मृत्यु
हेटौंडामा बिहिबार भएको सवारी दुर्घटनामा १ जनाको मृत्यु भएको छ । ३ जना घाइते भएका छन् ।
हेटौंडा ११ नवलपुरमा एम्बुलेन्स र ट्रक आपसमा ठोक्किएर दुर्घटना हुँदा एम्बुलेन्समा सवार १ जनको मृत्यु भएको जिल्ला प्रहरी कार्यालय मकवानपुरले जनाएको छ । मृत्यु हुनेमा सर्लाहीको बागमती नगरपालिका वडा नम्बर–४ का ६६ बर्षका जित बहादुर थिङ रहेको प्रहरीले जनाएको छ ।
कोरोना संक्रमित थिङको भरतपुरमा उपचार पछि डिस्चार्ज भइ घर फर्किंदै गर्दा दुर्घटना भएको हो । थिङ सवार प्र १ ००५ च ३६३८ नम्बरको एम्बुलेन्सले सोही दिशाबाट हेटौंडा आउँदै गरेको ना ६ ख ४३८० नम्बरको ट्रकसंग ठक्कर दिएको प्रहरीले जनाएको छ । एम्बुलेन्समा सवार अन्य ३ जना घाइतेको हेटौंडाको चुरेहिल अस्पतालमा उपचार भइरहेको छ ।
यो पनि पढ्नुहोस्
