लियो तथा लायन्स क्लबद्वारा मकवानपुरको राक्सिराङमा खाद्यान्न सहयोग
मकवानपुरमा कृयाशिल लायन्स क्लब अफ हेटौंडा तथा लियो क्लबहरुको सहयोग तथा गाउँपालिकाको समन्वयमा मकवानपुरको विकट राक्सिराङ गाँउपालिकाको २ वटा वडामा खाद्यान्न तथा स्वास्थ्य सामाग्री वितरण गरिएको छ।
लायन्स क्लव अफ हेटौंडा मुक्तिनाथ,लायन्स क्लब अफ हेटौडा मुक्तिनाथ मल्टिभिजन, लियो क्लब अफ हेटौडा मुक्तिनाथ र लियो क्लब अफ हेटौडा मुक्तिनाथ मल्टिभिजनको समन्वय र सहकार्यकामा संयुक्त रुपमा राक्सिराङको दुईवटा वडाका ३० घरपरिवारलाई खाद्यान्न र स्वास्थ्य सामाग्री सहयोग गरिएको हो।लियो तथा लायन्समा आवद्ध ४ वटा क्लबले राक्सिराङ गाउँपालिकाको वडा नम्बर ४ र ५ का ३० घर परिवारलाई चामल २० किलो,दाल-२ किलो,नुन- १ प्याकेट,तेल- १ लिटर,सोयाबिन- १/२ किलो, साबुन- ६ पिस, मास्क- १० पिस सहयोग गरेका हुन।
उक्त स्थानमा बसोवास गर्ने मानिस ज्याला मजदुरी गरेर जीविकोपार्जन गर्ने गरेको र निषेधाज्ञा जारीभएसँगै जीविकोपार्जन गर्न समस्या परेको समाचार बिहिरिएसँगै लायन्स र लियोको सकृयतामा खाधान्न तथा स्वास्थ्य सामाग्री सहयोग सहयोग गरिएको लायो तथा लायन्स क्लबमा आबद्ध मकवानपुरका युवा समाजसेवी विकेशलाल श्रेष्ठले जानकारी दिएका छन।
एउटा नागरिकले अर्को नागरिक समस्यामा पर्दा सहयोग गर्नुपर्छ भन्ने भावनाले लकडाउनले दैनिक ज्याला मजदुरी गरेर खाने मानिसहरुको समस्यामा मलम लगाउन लियो तथा लायन्समा आवद्ध विभिन्न क्लबको पहलमा खाधान्न र स्वास्थ्य सामाग्री सहयोग गरिएको हेटौडा मुक्तिनाथका संस्थापक अध्यक्ष राजेश भेटवालले बताए।हामी सेवा गर्छौ भन्ने लायन्सको मुल नारालाई आत्मसाथ गर्दै आर्थिक अवस्था कमजोर भएका उक्त गाउँपालिकाको दुई वटा वडाका ३० घरपरिवारलाई खाद्यान्न तथा स्वास्थ्य सामाग्री सहयोग गरेको कार्यक्रमका कार्यक्रम संयोजक कुमार पोखरेलले बताए।
कार्यक्रममा लायन्स क्लब अफ हेटौडा मुक्तिनाथका अध्यक्ष तेज प्रसाद उप्रेती ( रमेश),कोषाध्यक्ष अमृत पाठक लायन्स क्लब अफ हेटौडा मुक्तिनाथका संस्थापक अध्यक्ष राजेश भेटवाल, लायन्स क्लब अफ हेटौडा मुक्तिनाथ मल्टिभिजनका संस्थापक अध्यक्ष निराजन बर्तौला लगायतको उपस्थिति रहेको थियो।कोरोना बिरामीलाई सहकार्य गर्दै आएको क्लबले हेटौंडामा अक्सिजन बैंक संचालन गरिरहेको छ भने जिल्लाको विभिन्न स्थानमा पुगेर स्वास्थ सामाग्री तथा खाधान्न वितरण गर्दै आईरहेको छ।
यो पनि पढ्नुहोस्
