मकवानपुरमा सोमबार १ सया जना कोरोना संक्रमित थपिँदा १४९ जना संक्रमण मुक्त
मकवानपुरमा सोमबार १ सया जना कोरोना संक्रमित थपिँदा १४९ जना संक्रमण मुक्त भएका छन् ।
३ सय ६५ जनाको स्वाब परीक्षण गर्दा थप एक सय जनामा कोरोना पुष्टि भएको स्वास्थ्य कार्यलय मकवानपुरले जनाएको छ । पीसीआर परिक्षणबाट ४६ जना र एन्टीजेन परिक्षणबाट ५४ जनामा कोरोना पुष्टि भएको हो । सोमबार थपिने संक्रमितमा सबै भन्दा बढी ३९ जना थाहा नगरपालिकाका छन् ।
यस्तै हेटौंडा उपमहानगरपालिककाका २९ जना, मनहरी गाउँपालिकाका १४ जना, कैलाशका ७ जना, मकवानपुरगढीका ६ जना र भीमफेदीका गाउँपालिकाका ५ जनामा कोरोना संक्रमण पुष्टि भएको छ । योसंगै मकवानपुरमा कोरोना पुष्टि हुनेको संख्या ८ हजार ६ सय ६२ पुगेको कार्यलयले जनाएको छ ।
यो पनि पढ्नुहोस्
