मकवानपुरमा आइतबार पनि संक्रमण पुष्टि हुने भन्दा कोरोना मुक्त हुने धेरै
मकवानपुरमा आइतबार पनि संक्रमण पुष्टि हुने भन्दा कोरोना जित्नेको संख्या बढी रहेको स्वास्थ्य कार्यालय मकवानपुरले जानकारी दिएको छ ।
आइतबार जिल्लामा १०२ जना कोरोना संक्रमित थपिँदा १६२ जनाले कोरोना जितेका छन् । संक्रमित मध्ये ६६ जनाको पिसिआर तथा ३६ जनाको एन्टिजेन परिक्षण गर्दा १०२ जनामा संक्रमण पुष्टि भएको स्वास्थ्य कार्यालयने जनाएको छ । २ सय १७ जनामा पिसिआर र एन्टीजेन परीक्षण गर्दा थप १०२ जनामा संक्रमण पुष्टि भएको हो ।
संक्रमित मध्ये हेटौंडा उपमहानगरपालिका भित्रका ४७ जना, थाहा नगरपालिका भित्रका १७ जना, मनहरी गाउँपािलकाका २० जना, बकैया गाउँपालिकाका ११ जना, मकवानपुरगढी गाउँपालिकाका ३ जना, बागमती गाउँपालिकाका २ जना, कैलाश र भीमफेदी गाउँपालिकाका १र१ जना रहेको स्वास्थ्य कार्यलय मकवानपुरले जनाएको छ । यो संगै मकवानपुरमा कोरोना पुष्टि हुनेको संख्या ८ हजार ५ सय ६२ पुगेको छ ।
यो पनि पढ्नुहोस्
