हुरिबतासले टनेल भत्काउँदा कृषकलाई समस्या
शुक्रवार दिनभर परेको पानी संगै आएको हुरिबतासले थाहा नगरपालिका वडा नम्बर १० बिसिङ्खेलमा कृषकहरुको टनेल भत्काउँदा किसान समस्यामा पेरेका छन् ।
हुरिबतासले बिसिङ्खेलमा मात्रै एक सय भन्दा बढि फलाम र बासबाट बनाएको टनेल भत्काएर पुर्ण रुपमा क्षति पुगेको कृषक उद्दब लामिछनेले बताउनु भयो । लामिछानेले आफ्नै १५ ओटा टनेल भत्काएको र उक्त टनेलमा लागाईएको काउली, बन्दा, गोलभेडा लगायतको बालिमा क्षति पुगेको बताउनुभयो ।
उहाँले बिसिङ्खेल क्षेत्रमा हुरिबतासका कारण टनेल भत्काउँदा टनेल र तरकारी समेत गरि क्षतिको एकिन बिवरण नआएता पनि क्षति हेर्दा लाखौंको क्षति भएको बताउनुभयो । तेस्तै थाहा नगरको बज्रबाराहि मा पनि हावाहुरिले टनेलको प्लास्टिक उडाउँदा टनेलमा लगाईएको तरकारी बालि र टनेलमा नोक्सान भएको कृषक सुनिता थापाले बताउनुभयो ।
यो पनि पढ्नुहोस्
