कोरोना संक्रमणका कारण मनहरी गाउँपालिकामा एक महिलाको मृत्यु
मकवानपुरको मनहरी गाउँपालिकामा एक कोरोना संक्रमित महिलाको मृत्यु भएको छ ।
मृत्यु हुनेमा मनहरी गाउँपालिका वडा नंबर ७ की ५० वर्षीया महिला रहेको गाउँपालिकाका अध्यक्ष एकराज उप्रेतीले जानकारी दिनुभयो । केहि दिन स्वास्थ्यमा समस्या भएपछि उहाँलाई उपचारको लागि चितवन लगिएको थियो ।
ती महिलाक बुधबार हिजो कोरोना पुष्टि भएको बताउँदै अध्यक्ष उप्रेती भन्नुभयो– ‘हिजो नै अस्पतालले रिफर गरेर घर पठाएछ । अक्सिजन समेत आवश्यक पर्ने भएपछि हामीले राति नै गाउँपालिकाको आइसोलेसन ल्याएर राखेका थियौ तर बिहिबार बिहान ५ बजे दुःखद निधन भयो ।’
मृतक महिला विगत २ वर्ष देखि घाँटी टन्सिल रोगबाट पीडित हुनुहुन्थ्यो। योसंगै मनहरीमा कोरोनाबाट मृत्यु हुनेको संख्या ५ पुगेको गाउँपालिकाको स्वास्थ्य शाखाले जानकारी दिएको छ ।
यो पनि पढ्नुहोस्
